Pizza caseira
O ritmo frenético do día a día sérvenos para enganarnos e pospor tarefas, pero a corentena fixo saltar as prioridades polo aire: se sempre quixeches preparar este prato italiano desde cero é o momento. Un experto na materia dáche as claves para que che saia de dez
Son días para innovar na cociña. Sobre todo aqueles que xa empezan a notar os danos colaterais da corentena: o cansazo que fai que un vaia directo a os ultraprocesados, a inquedanza que busca desesperada o doce... Non nos imos a enganar; o da operación verán vai ter que agardar por aquilo de que prima darlle unha alegría ao corpo; pero esta felicidade pode chegar de diferentes xeitos, e algunhas son máis saudables que outras. Sen ter intención algunha de rexeitar pratos tan apetecibles como unha pizza, por que non preparar unha masa caseira? Mataremos o tempo xa de seu defunto e aproveitamos para evitar eses aditivos que non sabemos nin pronunciar. Por non falar de que os toppings corren da nosa conta. A pracer, que diría Bunbury.
Para meternos en fariña contamos coa axuda de Opelouro , un mestre na materia que fai as delicias das súas máis de 31.000 seguidores en Instagram coas súas didácticas receitas. Estas son, segundo o experto, as claves (e os ingredientes) do éxito dunha boa masa de, neste caso, dúas pizzas.
- 300 gramos fariña forza
- 50 gramos fariña integral
- 215 gramos auga
- 20 gramos aceite oliva virxe extra
- 7 gramos de sal
- 5 gramos fermento fresco
Mesturamos todos os ingredientes e deixamos repousar. Media hora despois encartamos a masa; é dicir,dobrámola sobre se mesma para que desenvolva certa tensión.
Podemos repetir ese movemento un par de veces ou tres durante o tempo de fermentación. En caso de querer facelas ao mediodía, pódese amasar pola mañá ás 9 e ao mediodía terás a masa lista para preparar.
Tamén podes optar por metela no frigorífico e deixala que fermente na neveira ata o día seguinte. Desenvolverá máis sabor aínda pola lenta fermentación.
Media hora antes de facer a pizza acende o forno a lume de biqueira e divide a masa en dúas. Déixaa que repouse esa media hora dividida.
Pasado ese tempo estíraa, preferentemente coas mans.
Ponlle aquilo que máis che guste, neste caso eu engadiríalle a unha delas leva allo confitado, anchoas, tomates Cherry e orégano. Á outra lle poría berenjena, queixo galego, toque de mel e alfabaca fresca.
Ao forno ao máximo 5 ou 10 minutos dependendo da potencia e lista para comer.
Comentarios