Muffins de cabaza e pebidas de chocolate
As hortalizas dan un sabor incrible aos biscoitos, proba a engadirlle cabaza aos teus almorzos e ás túas sobremesas e non te arrepentirás
- Racións10-12 muffins
Hoxe propóñovos que aproveitemos que é tempada de cabazas para elaborar esta ricísima receita. Non sei se tivestes a ocasión de probar xuntos a cabaza e o chocolate, pero é unha combinación incrible. Eu cada vez son máis fan de incorporar hortalizas aos biscoitos, dálles unha humidade incrible
- 325 gramos de fariña
- 150 gramos de azucre moreno
- 2 culleradas de fermento químico
- Medio cucharadita de bicarbonato
- Un chisco de sal
- 2 cucharaditas de canela
- Media cucharadita de noz moscada
- 1 iogur grego azucrado
- 200 gramos de puré de cabaza
- 2 ovos
- 80 gramos de aceite de xirasol
- 4 cuharadas de leite
- 50 gramos de chips de chocolate + extras para decorar
Prequentamos o forno a 180º e preparamos as nosas cápsulas nunha bandexa de cupcakes/muffins. Se as nosas cápsulas son ríxidas, non é necesario utilizar bandexa.
Mesturamos nun bol os ingredientes secos (fariña, azucre, fermento, bicarbonato, sal, canela e noz moscada).
Noutro bol batemos o iogur, o puré de cabaza, os ovos, o aceite e o leite ata que se integren.
Incorporamos os ingredientes secos en dúas quendas e mesturamos xusto ata que se integre todo ben, sen sobrebatir a mestura. Engadimos os chips de chocolate e distribuímolos ben pola masa.
Vertemos a masa nas cápsulas e decoramos cuns chips de chocolate na parte superior. O máis práctico é distribuír a masa cun servidor de xeados, xa que desta forma asegurámonos de que todos os muffins teñan o mesmo tamaño.
Enfornamos durante 23-25 minutos ou ata que ao picar cun escarvadentes, este saia limpo.
Deixamos arrefriar sobre unha reixa.
Comentarios