Trucos caseiros con limón que facilitarán o teu día a día

Produtos como o vinagre e o bicarbonato son alternativas sostibles á hora de limpar a casa, pero o limón tamén pode ser un aliado con baixo impacto ao medio ambiente para esta tarefa. Por exemplo, para quitar manchas difíciles como as do chocolate, basta con fregar o limón sobre a mancha e despois deixar que se seque antes de meter a peza na lavadora.

Por que é importante lavar os alimentos?

Sara Vázquez

Para moitos, este truco xa non é unha novidade, por iso reunimos novas funcionalidades que poida que descoñezas:

Limón seco

Xa non é necesario tirar aquel limón seco esquecido no fondo da neveira. Podes aproveitalo meténdoo uns segundos no microondas, isto fará que se volva máis zumento e que o poidas usar.

Eliminar malos cheiros

É a solución para acabar con malos cheiros persistentes na neveira, mesmo despois de limpala. Para iso bastará con meter un anaco de cítrico no refrixerador, ou mesmo pode utilizarse no cubo do lixo. A froita amarela absorberá todos os males cheiros.

@sabebien_lvg Trucos con limóns para facilitar o teu día a día ? #sabebien #cociña #limon #truco #tip #parati #fyp ? Sunrise - Official Sound Studio

Utensilios de madeira

É moi importante desinfectar os utensilios de madeira, como culleres ou táboas de cortar que están en contacto con case todos os alimentos en cru. Usar lixivia pode ser perigoso porque a madeira a absorbe, polo que unha alternativa é fregar estes utensilios con sal groso e medio limón, déixaos secar e despois lavalos como de costume. Este truco favorecerá tamén a manter a cor orixinal da madeira.

 Evita a oxidación

A quen non lle sobrou algunha vez un anaco de aguacate? Para evitar que se oxide a mellor opción é engadirlle unhas gotas de limón na superficie e así protexerá o froito do dano.

Zume de limón sempre dispoñible

Conxela nunha cubeta de xeo zume de limón concentrado e así o terás listo sempre que necesites un chorrito nunha receita.

---

---