A gastronomía tamén é protagonista dalgunhas marcas que che deixarán coa boca aberta. Hoxe recompilamos algúns deles para contarchos
12 abr 2024 . Actualizado ás 11:14 h.Aínda que todos os anos a Marca Guinnes vaise actualizando cos fitos recentes, sempre hai moitas que se manteñen ou que vale a pena lembrar. A parte gastronómica non ía ser menos, xa que é un tema moi recorrente debido á popularidade e a devoción que a xente lle profesa á comida e a bebida.
Desde pezas gastronómicas xigantes, ata marcas de rapidez en comer, a cantidade de fazañas que existen son incontables.
Aquí deixámosche unha selección dos sete Marca Guinness máis curiosos (e un bonus de fitos galegos).
1. O cachorro quente máis caro do mundo
Junni Ban foi o nome que os creadores, expertos xaponeses en comida fusión e donos do food truck Tokyo Dog (Seattle, Washington USA) escolleron para este prato. 30 cm de longo, bratwurst de queixo afumado tradicional, cebolas con manteiga teriyaki á grella, cogomelos maitake, carne de wagyu, foi, lascas de trufa negra, caviar e maionesa xaponesa nun pan brioche. Son os ingredientes principais do cachorro quente máis caro do mundo. O prezo, en 2014 no momento no que lle outorgaron o premio, era de 169 dólares. Estarías disposto a pagalos?
2. Big Mac durante 50 anos
Donald Gorske (USA) leva nin máis nin menos que 50 anos comendo todos os días a súa hamburguesa favorita: o Big Mac. En 2022 levaba un total de 32340 hamburguesas inxeridas, converténdose na persoa que máis Big Mac comeu na historia.
3. O tiramisú máis grande do mundo
273,5 metros é o que mide o tiramisú máis longo do mundo.A marca sucedeu en Milán, 2019, e foi o gañador da cuarta edición de Masterchef Italia quen dirixiu aos alumnos da Escola de Cociña de Milán á hora de preparar este impresionante Tiramisú.
4. Hamburguesa xigante
Foi en 2017, en EEUU. Celebrábase a Feira do Estado de Minnesota e tamén un evento monumental: a preparación da hamburguesa máis grande da historia dos Marca Guinness que pesou, nin máis nin menos que 1.744,16 kg, batendo todas as marcas posibles no que hamburguesas de gran tamaño refírese
5. O noodle feito a man máis longo da historia
Hiroshi Kuroda, un chef xaponés, rompeu a Marca Guinnes amasando, alongando e cociñando un noodle de 183,71 metros feito con ovos e fariña, todo a man. O que máis lle custou foi conseguir que o noodle non rompese ao cociñalo, algo que logrou cociñándoo por seccións.
6. O sushiroll máis grande do mundo
2,16 metros, case mil quilos de arroz e 226 quilos de salmón, entre outros ingredientes, foi o que Lynn Davis e Nick DiGiovanni utilizaron en 2022 para preparar o sushiroll máis grande do mundo durante tres horas e un equipo de oito persoas.
7. Máximos chiles picantes no menor tempo posible
Esta foi a fazaña que o estadounidense Gregory Foster levou a cabo en 2022. Nin máis nin menos que dez chiles Carolina Reaper (o máis picante do mundo) en 33,15 segundos. O que non sabemos é se tamén bateu despois a marca en beberse máis litros de leite, xa que tivo que picarlle.
Bonus de fazañas galegas
Sen esquecer que en numerosas ocasións, tivemos nosas propias crónicas carnívoras, por exemplo no bar A Parra, no Ribeiro, onde ofrecen unha hamburguesa de catro quilos “para compartir" que hai que reservar con 24h de antelación para poder preparala.
Outra fazaña gastronómica foi tamén a do Pizza Tutto de Fene, cunha pizza de 90 centímetros de diámetro que había que conseguir rematar sen levantarse da mesa e que podía conseguirse entre dúas persoas. A persoa gañadora levaría un cheque regalo de 50€ e poder irse sen pagar a conta. Se o desafío o gañaban as dúas persoas, ademais, podían levar gratis unha pizza familiar.
Sexa como for, desde aquí tamén intentamos grandes retos gastronómicos que non teñen nada que envexar os Guinness e que, sen ningunha dúbida, están infinitamente máis bos.