Volve a música clásica a Lugo: a Sociedade Filharmónica presenta a súa nova tempada de concertos
LUGO
O ciclo musical comeza o 24 de outubro, co Ensemble Praeteritum Sinfónico
17 oct 2025 . Actualizado á 23:02 h.A Sociedade Filharmónica de Lugo fixo pública a nova programación de música clásica para a tempada 2025-2026. Son, en total, doce concertos, que se celebrarán entre o 24 de outubro e o 29 de maio.
O programa cultural contará con músicos destacados a nivel galego, estatal e internacional, incluíndo ás tres agrupacións máis importantes de Galicia: a Real Filharmonía de Galicia, dirixida por Baldur Brónnimann, que estreará en Lugo o seu concerto con música da compositora galega Carme Rodríguez; a Orquestra Sinfónica de Galicia, considerada a máis importante do país en canto a calidade; ou a Orquestra Sinfónica Vigo 430. Todos os concertos serán ás 20.00 horas no Círculo das Artes de Lugo, onde tamén estarán a venda as entradas.
Ao acto de presentación acudiu o tenente de alcalde, Rubén Arroxo; a concelleira de Eduación, Iria Buide; e o vicepresidente da Deputación, Efrén Castro.
O programa, que se pode consultar en detalle na web da Sociedade Filharmónica de Lugo, é o seguinte:
· Venres 24 de outubro. Ensemble Praeteritum Sinfónico con Pablo Suárez Calero ao violín. D. Shostakóvich: Concerto para violón nº2 e Sinfonía nº5
· Venres 28 de novembro. Cuarteto Gerhard. Ludwig van Beethoven: Cuartetos nº15, op.13t5 e nº15, op.132
· Venres 5 de decembro. Real Filharmonía de Galicia, dirixida por Baldur Brónnimann. Cometa: Encargo a Carme Rodríguez (estrea absoluta). Arvo Pärt: Fratres. Grazyna Bacewicz: concerto para orquestra de corda. Louse Farrenc: Sinfonía nº3 en sol menor, op.36
· Sábado 10 de xaneiro. Abel Tomás ao violín (primeiro violinista do Cuarteto Casals) e Emma Stratton ao piano. Franz Schubert: Sonatina na menor, Rondeau Brillant e Fantasía en do maior
· Xoves 22 de xaneiro. Juan Ferrer ao clarinete, Raúl Mirás ao violoncelo e Alicia González ao piano. Tríos para clarinete, cello e piano de Ludwig van Beethoven, Nino Rota e Johannes Brahms
· Sábado 7 de febreiro. Iria Folgado ao oboe e corno inglés e cuarteto de corda. Ecos de Breogán: Obras de Benjamin Brittern, Ralph Vaughan Williams, Arnold Bax, Elizabeth Maconchy e Fernando Buíde
· Sábado 28 de febreiro. Filharmónica Km0. Banda Filharmónica de Lugo con Pablo Marqués como director invitado. Obras de José Manuel Izquierdo, Ximo Tarín e Rafael Talens
· Sábado 7 de marzo. Filharmónica Km0, 1º premio do Concurso de Interpretación Musical Xosé Castiñeira 2025 do CMUS Xoán Montes de Lugo. Álex Barcla ao piano e Ensemble de Filharmónica
· Sábado 21 de marzo. Orquestra Sinfónica Vigo 430 con Catherina Le ao violín e Javier Fajardo na dirección. Max Bruch: Concerto para violín nº1. Ludwig van Beethoven: Sinfonía nº5
· Xoves 16 de abril. 1º premio do VII Concurso Internacional de piano Cidade de Vigo 2024. David Khirikuli ao piano. Obras de Franz Schubert, Franz Liszzt, Aleksandr Skriabin e Maurice Ravel
· Mércores 29 de abril. Lied the Future, coa soprano Belén García Burgos e Esther Villar ao piano. Liederkreis de Robert Schumann, Lieder de Franz Schubert, Kaija Saariaho, Pauline Viardot, Manuel de Falla e Edvard Grieg
· Venres 29 de maio. Real Filharmonía de Galicia coa dirección de Amandine Beyer. Georg Friedrich Händel: Suite nº1 dá Música Acuática. Karl Friedrich Abel: Sinfonía nº4 en do maior. Johann Sebastian Bach: Abertura e Suite de Amadis de Gaula