As Pontes recibe 240.000 euros do Fondo de Compensación Ambiental e Cedeira, 88.116
FERROL
O Concello pontés destina os recursos a conservación das ribeiras dos ríos e do lago
13 dic 2025 . Actualizado á 05:00 h.O Concello dAs Pontes recibiu 239.936 euros do Fondo de Compensación Ambiental (o canon eólico) da Xunta, para executar proxectos de conservación da zona de servidume da ribeira dos ríos e do lago dAs Pontes, e mellora da eficiencia enerxética da iluminación pública.
A delegada territorial do Goberno autonómico en Ferrol, Martina Aneiros, visitou onte o municipio. As actuacións en áreas fluviais afectan os ríos Eume, Chamoselo e Brixeo, e o regacho de Vos Covelos, ademais da contorna do lago. Consisten na limpeza de vexetación e a retirada de obstáculos, como «árbores desequilibradas».
Aneiros tamén se desprazou a Cedeira, onde o Concello obtivo 88.116 euros do Fondo de Compensación Ambiental para a adquisición dun vehículo e a contratación de persoal. A Capela, Cariño, Mañón, Monfero, Narón, Ortigueira, San Sadurniño, As Somozas e Valdoviño tamén se benefician deste plan, que na comarca suma 856.000 euros.