Organizacións que manexan o 90% do bocarte entre Fisterra e o Bidasoa case o esgotan e queren máis

Aínda non transcendeu a decisión oficial sobre a petición dos cerqueiros integrados na asociación Opescantábrico. Están a piques de esgotar as 28.610 toneladas de bocarte que lles concedeu Pesca de Fisterra ao Bidasoa para manexalas como mellor lles conveña, no que o ministerio definiu como «unha experiencia de xestión» que podería chegar para quedarse. Opescantábrico quere máis cota porque está a piques de esgotar a súa tras descargar case 24.300 toneladas das 25.750 coas que conta agora. Alega que os cerqueiros non integrados na súa asociación apenas capturaron anchoa pois da bolsa común de 2.861 toneladas da que se nutren desembarcaron unhas 817 e que o fin último é aproveitar as posibilidades españolas de pesca ao máximo.

Polo que lle comunicaron a cerqueiros os seus representantes, acadaríase un preacordo para unha cesión graduada de parte das 2.045 toneladas que aínda teñen os barcos que non pertencen a Opescantábrico, que dispoñen de 1.528.

Tres regras distintas enredan a xestión do bocarte no noroeste

Somos Mar

Opescantábrico agrupa a cerqueiros das vascas Opegui e Opescaya, da cántabra Opacan e das galegas Acerga, Cooperativa de Ribeira e Opromar (Marín). Porto de Burela hase adherido a ese modelo de xestión. Non o fixeron barcos representados polas confrarías de Cambados, Portosín, Camariñas, Lastres e Vigo, pola federación de depósitos de Asturias e por Cerqueiros do Barbanza, Pesca Fresca de Vigo e Porto de Celeiro.

---

---

---