O santiagués Fer Castro consuma a súa fazaña e chega aos 100 programas en «Saber e gañar»

Despois das súas idas e vinda, Fer Castro completou  a súa fazaña. Este luns, o santiagués entra no olimpo dos concursantes de Saber e gañar ao chegar ao seu programa 100, o que o converte en «centenario», unha honra que conseguiron soamente 21 participantes antes que el na longa historia do concurso máis lonxevo da televisión. 

O doutor en Estatística compostelán superou o venres o programa 99, polo que a emisión deste luns de Saber e gañar dedícase exclusivamente a un especial dedicado exclusivamente á súa figura, no que gozará dunha serie de probas preparadas para a ocasión.

En primeiro lugar, unha dedicada á propia Santiago de Compostela, na proba Batería de Sabios, que permite coñecer máis en profundidade a cidade natal do protagonista da xesta: chegará despois un Triplo enredo, unha das  probas que mellor se leda; un Descubrindo especial con Matequivalencias, dada a súa formación en Matemáticas; seguido dunha Viaxe musical por Alemaña e tamén un Triplo reto. Ademais, estréase unha nova proba especificamente deseñada para el, O talón de Aquiles de Fer.

O ascenso de Fer Castro a centenario a través do programa especial no que será protagonista, no que tamén dispón dun Minuto de ouro para dedicar a honra a quen el queira, supón tamén o final da súa andaina no concurso, ao ser o límite máximo de participación. Noutras ocasións, os concursantes regresan en programas especiais como eméritos, o que permitiu a algúns chegar a ser bicentenarios.

Fer Castro regresou hai pouco máis dunha semana a Saber e gañar tras abandonar de forma misteriosa e inesperada o concurso a principios de setembro, cando o galego sumaba xa 92 vitorias seguidas e estaba a un paso de ser centenario. O programa permitiu regresar, aínda que incluíu unha nova norma que lles permite aos participantes unha única ausencia con posibilidade de retorno.

En todo o seu traxecto, o compostelán, acumulou nestes 99 programas un total de 77.150 euros.

---

---