Outra vitoria para o Ordes (1-0, ante o Pol) e o Negreira (4-0, contra o Ou Val)

Negreira e Ordes, suman e seguen. Non ceden no grupo primeiro da Preferente Galicia. O Negreira mantense a fronte do pelotón tras golear ao Ou Val no García Calvo (4-0). Aínda que con máis apuros, o Ordes tamén sacou adiante o seu compromiso no campo municipal de Vista Alegre. Superou por 1-0 ao Pol na mañá dominical. Sigüeiro e Dubra repartíronse os puntos (2-2) na undécima xornada.

O Ordes mantense na segunda praza, a un punto do Negreira e cun de vantaxe sobre o San Tirso. O colectivo que adestra Pery López asegurou os tres puntos no minuto 89. Iván Calvo foi o protagonista do único tanto da contenda. Mentres, en Negreira volveu o festival de goles. Alberto Freire anotou no 27 e Rulo marcou no 31, chegándose co 2-0 ao descenso. No segundo acto, repetiu Freire (min 50), co seu quinto gol da tempada. O 4-0 definitivo levou a firma do capitán Juan Diego.

Sigüeiro-Dubra: 2-2

O Sigüeiro adiantouse por medio de Jorge Parcero (min 27). No segundo acto, o Dubra deulle a volta ao marcador con tantos de Rodri Fernández (min 77) e Borja Gándara (min 86). No 88, Saúl Amoedo marcou o 2-2 definitivo.

---

---

---