O mozo futbolista chega desde o xuvenil do Celta da División de Honra
11 jul 2025 . Actualizado á 18:20 h.O Compostela incorpora un novo xogador para a súa liña defensiva. Trátase de Aarón Martínez Ribeiro (Redondela, 2006). O mozo lateral esquerdo, con ficha sub 23, chega á capital galega desde o xuvenil do Celta da División de Honra, asinando por unha tempada. Aarón é «un futbolista con proxección, que destaca polo seu bo golpeo de balón e capacidade para asociarse», destacan desde a entidade branquiazul.
Na pasada campaña, a nova fichaxe compostelanista foi o segundo xogador con máis minutos do seu equipo. En total, disputou 2.450 repartidos en 29 partidos. Foi 27 veces titular, fixo na banda esquerda do mozo conxunto celeste.
Tras este bo exercicio, Aarón Martínez agarda dar o salto no Compos. É un xogador formado nas categorías inferiores do Choco, club no que desenvolveu toda a súa etapa de base ata este último ano. Vivirá a súa primeira experiencia como sénior en Santiago, onde agarda seguir crecendo.
9 FICHAXES
— Diego Uzal García (A Coruña, 10/02/1992), mediocentro (Bergantiños)
— Álex Cobo Padillo (Sant Boi do Llobregat, 06/07/1995), porteiro do VDE Ourense
— Damián Noya Tojo (Santiago, 11/02/2002), lateral esquerdo, do Lugo B e Alzira 2026
— Antón Guisande Fernández (Pontevedra, 9/6/2000), extremo e dianteiro centro, VDE Ourense 2026
— Kiko, Francisco González Rochela (Vilalba, 29/05/1992), defensa central, Penya Deportiva de Eivissa de Segunda Federación
— Pablo Porrúa Magariños (Bertamiráns, 16/10/1999), extremo esquerdo procedente do Estradense da 3ª RFEF 2026
— Cañi, Jesús Cañizares Sánchez (As Pontes, 24/02/1992), extremo do Racing Vilalbés de 3ª RFEF 2026
— Jorge Valín Sánchez (A Coruña, 07/01/2000), lateral dereito do UE Santa Coloma, da Primeira División de Andorra (2026)
— Aarón Martínez Ribeiro (Redondela, 30/05/2006), lateral esquerdo da xuvenil División de Honra do Celta (2026)
Manu Barreiro e Trasancos
Xa son nove as fichaxes do Compostela para o novo curso, ademais das renovacións de Samu Rodríguez e Pablo Crespo e a continuidade por contrato de Hugo Matos e David Soto. As nove caras novas polo momento son Diego Uzal, Álex Cobo, Damián Noya, Antón Guisande, Kiko González, Pablo Porrúa, Cañi, Valín e Aarón Martínez. En espera de novas adquisicións, que se irán anunciando a partir do luns, aínda queda por aclararse o futuro do veterano Manu Barreiro e do canteirán Xoel Trasancos.