Continúa a implantación da plataforma Dicireg na provincia de Ourense
17 abr 2025 . Actualizado á 05:00 h.A plataforma Dicireg do Ministerio de Xustiza permite realizar xestións co rexistro civil desde calquera sitio, sen necesidade de acudir fisicamente á oficina. É un paso máis na modernización dos servizos de atención ao cidadán que xa estaban en marcha en varios rexistros da provincia, como no caso do do Barco de Valdeorras. O subdelegado do Gobierno, Eladio Santos, visitouno acompañado do alcalde, Alfredo García, e anunciou a entrada efectiva de Dicireg nas oficinas do rexistro civil dos partidos xudiciais de Celanova, Ribadavia e Xinzo de Limia, tanto as xeneralas como as colaboradoras, polo que engloba A Bola, A Merca, Cartelle, Gomesende, Quintela de Leirado, Ramirás, A Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón, Pontedeva, Baltar, Os Blancos, Porqueira, Rairiz de Veiga, Sandiás, Sarreaus, Trasmiras, Vilar de Barrio e Vilar de Santos.
Permite a tramitación electrónica de expedientes, como pode ser a obtención de certificados de nacemento, matrimonio ou defunción. «É un rexistro do século XXI que permite a interoperabilidade entre Administracións Públicas e a diminución de tempos para os usuarios», explicou Santos.