Haberá un desfile polo barrio, e o resto das actividades serán no centro cívico
15 jul 2025 . Actualizado á 05:00 h.O Entroido tamén se pode celebrar en pleno verán galego. E en Narón empeza a converterse en tradición, grazas ao Entroido do Verán que terá lugar o vindeiro luns no barrio da Gándara. Poderá gozarse no centro cívico social, organizado pola asociación sociocultural ASCM con apoio do Concello. E está aberto a todo o público, ao que se anima a acudir disfrazado.
Segundo Noemi González, técnico de ASCM, «unha das novidades deste ano é o apartado gastronómico». Ás 13.00 horas no centro cívico social haberá unha comida popular, a base de polbo, chourizos ou liscos. Os tiquets poderán comprarse o mesmo día.
E pola tarde celebraranse pintacaras, música e un pasacalles de disfraces ás 19.30 horas.