Empeza a reciclaxe profesional dos traballadores afectados polas centrais de carbón galegas
ECONOMÍA
No programa formativo tamén poderán participar os parados maiores de 52 anos dos municipios incluídos nos convenios de transición xusta das Pontes e Meirama
20 feb 2024 . Actualizado ás 13:30 h.O Instituto para a Transición Xusta pon en marcha o programa para a reciclaxe profesional dos traballadores afectados polo peche das centrais de carbón galegas. Co obxectivo de promover a cualificación cara a novas áreas de actividade no sector das enerxías verdes, levarán a cabo cursos de formación para que polo menos 200 persoas logren un emprego nas zonas de influencia dos convenios de transición xusta das Pontes e Meirama, é dicir, un total de 19 municipios.
Poderán participar os traballadores excedentes das centrais térmicas inscritas na bolsa de emprego do instituto, ou os maiores de 52 anos desempregados empadroados nalgún dalgún dos concellos dos convenios. O das Pontes está integrado, ademais de por este municipio, polos de (Cabanas, A Capela, Cerdido, Ferrol, Mañón, Moeche, Monfero, Ortigueira, As Pontes, San Sadurniño e As Somozas, na provincia coruñesa; e polos de Muras, Vilalba e Xermade, na de Lugo. O de Meirama, polos de Carral , Cerceda, A Laracha, Ordes e Tordoia. O programa fomenta particularmente a participación das mulleres.
O primeiro dos cursos arrinca mañá, día 21, baixo o título Xestión de residuos e Operador de carretillas de manutención, en o Viveiro Industrial de Empresas de Cerceda. A empresa LHH será a encargada do desenvolvemento das actividades formativas, que se prolongarán durante 24 meses.
Entre outras, celebraranse accións de cualificación en enerxía solar e eólica e infraestruturas verdes e rehabilitación enerxética. As persoas interesadas poden inscribirse no correo empleosostenible\