O idilio entre David Beckham e a conserveira vilagarciá Os Peperetes
VILAGARCÍA DE AROUSA
A firma vilagarciá fixo chegar unha selección dos seus produtos ao exfutbolista inglés polas publicacións que publica nas súas redes encomiando as súas conservas
20 feb 2024 . Actualizado á 21:18 h.Todo comezou hai xustamente dous anos. David Beckham publicaba un post nas súas redes sociais nas que mostraba cal era a súa conserva favorita: as sardinillas de Rianxo en aceite de oliva dOs Peperetes. Aí comezou un idilio que se prolongou no tempo, porque o exfutbolista inglés volveu facer o mesmo tempo despois. Agora, como mostra de agradecemento polo apoio que lle veu mostrando, a conserveira vilagarciá fíxolle chegar un estoxo cunha selección dos seus mellores produtos. «Este xesto simboliza o profundo agradecemento da marca pola visibilidade e o reconocomiento que Beckham trouxo ao seu labor artesanal», apuntan desde a firma arousá.
«Cada post que David nos ha dedicado non só nos encheu de orgullo, senón que reforzou o noso compromiso coa excelencia, a calidade e a autenticidade», afirma Jesús Lorenzo, director xeral dOs Peperetes. «Do mesmo xeito que David, o apoio de cada un dos nosos seguidores e clientes impúlsanos a seguir adiante, innovando e crecendo xuntos. Este agradecemento tamén vai a dirixido a eles por ser parte desta marabillosa viaxe e por elixirnos cada día», subliña Lorenzo.
Os Peperetes selecciona as mellores viandas das mellores orixes e acompáñaas dun proceso de elaboración completamente artesanal a base de receitas caseiras que pasaron de xeración en xeración desde aqueles inicios nos que se xuntaron a arte nos fogóns de Toña Paz e o vínculo conserveiro de Jesús Lorenzo para mesturar do mellor xeito e que lles levou a estar agora presentes nunha vintena de países e a crear unha marca conxunta co chef José Andrés para os Estados Unidos.
«A relación con Beckham subliña o potencial internacional da marca e a súa capacidade de levar o nome de Carril e de Vilagarcía de Arousa por todo o mundo. Este vínculo entre Beckham e Os Peperetes non só celebra a unión de persoas extraordinarias con marcas con alma, senón que tamén serve como recordatorio de que os soños se constrúen con fe, traballo duro e o mellor equipo», apuntan desde Os Peperetes.