O deportista, ás portas dos seus terceiros Xogos Paralímpicos, fala de como viviu a amputación do pé esquerdo sendo neno
04 jul 2024 . Actualizado á 12:19 h.O tenista vigués en cadeira de rodas Martín da Puente é portada do último número da edición española da revista Men's Health, publicación especializada en saúde e vida saudable e dirixida ao público masculino. Nunha ampla entrevista, a deportista fala da síndrome de Proteus, a enfermidade que levou que lle tivese que ser amputada unha perna tras quince intervencións cirúrxicas: «Ao principio, o deporte era un refuxio para tapar a miña enfermidade», conta.
Da Puente está en plena conta atrás para os seus terceiros Xogos Paralímpicos, tras conseguir diplomas tanto en Río como en Tokio, e aproxímase ao top-3 mundial individual. por iso a revista fala de que está no mellor momento da súa carreira deportiva. Admite que sente nervioso ante a cita de París e que sente «máis preto de facer algo importante» que nas citas anteriores.
Aínda que sempre cunha actitude positiva, non oculta que tivo unha infancia en certa medida complicada debido á doenza que sufría. «Acórdome que me miraba ao espello e vía a alguén totalmente diferente aos meus irmáns, que tiña cicatrices, feridas, que me doía o corpo... Foron momentos que me fixeron sufrir, pero tamén crecer», valora pasado o tempo.