O home de 55 anos está acusado dun delito contra a liberdade e indemnidade sexual
26 ago 2025 . Actualizado á 00:47 h.Esconxuros a través de herbas e relacións sexuais. Ese era o paquete de tratamento que un santero de Arbo propuña a ningúns dos seus clientes. O presunto santero aproveitaba a situación de vulnerabilidade das persoas que acudían á súa consulta para proporlles un tratamento a base de plantes e tamén asegurando que se tiñan sexo con el curaríanse, xa que o espírito as posuía e a través do seu corpo podía curalas.
O equipo da policía xudicial da Garda Civil de Tui detivo o pasado venres 22 ao suposto curandeiro, de 55 anos, presunto autor dun delito contra a liberdade e a indemnidade sexual.
As investigacións comezaron tempo antes, pero culminaron a semana pasada coa detención do home, que foi posto ao dispor do Xulgado de garda de Ponteareas que determinou a súa liberdade con cargos.