Ata o de agora 1.500 persoas compartiron algunha das cestas na súa web
24 abr 2020 . Actualizado á 11:21 h.Máis de 1.500 persoas participan xa da solidariedade virtual do Banco de Alimentos de Vigo. Coa súa campaña de recollida de cestas a través da súa páxina, a fundación logrou recadar máis de 40.000 quilos de comida durante tan só sete días.
A campaña #yoayudoalbancobueno foi liderada e impulsada por un importante grupo de rostros coñecidos como Amaro Ferreiro e Ledicia Costas, con novas adhesións como foron Xabier Fortes, Silvia Superstar, Pepe Solla ou Antonio Durán Morris, entre outros. Todos eles está a axuntar esforzos para axudar ás persoas máis vulnerables da provincia, durante o actual estado de alarma polo Covid-19.
Desde a entidade quixeron dar as grazas a todos os rostros do mundo da cultura e o deporte e tamén a todos os que participaron e axudaron con esta iniciativa dixital nestes tempos tan complicados nos que non poden facer operacións de recollida de alimentos nos supermercados.
Con estas doazóns o Banco de Alimento poderá seguir traballando cos seus colaboradores habituais desde a súa nave de Lavadores e nas próximas semanas poderán saír 30.000 litros de leite, 6.000 litros de aceite e máis de 2.000 quilos de cacao, entre outros produtos básicos de primeira necesidade.
A entidade constata que hai habido un incremento de peticións de axuda desde que se decretou o estado de alarma. Nas últimas semanas están a recibir máis peticións de axuda por parte dos colectivos cos que xa colaboran.
Segundo as previsións que manexan, a necesidade seguirá ascendendo e por iso fan un chamamento para a cidadanía para que sigan colaborando. Os doantes poden elixir tres tipos de cestas por importes de 10, 20 e 30 euros así como prefijar outra cantidade de diñeiro que se poderá traducir na compra de comida.