O cantante galego de «Operación triunfo» participa na rodaxe da segunda tempada da serie
07 mares 2018 . Actualizado ás 05:00 h.Roi, o cantante galego de Operación triunfo, participa na rodaxe da segunda tempada da serie Paquita Salas, unha produción orixinal de Javier Calvo e Javier Ambrossi que se incorporou ao catálogo de Netflix. Durante a súa estancia na academia, os Javis seleccionaron aos dous participantes con mellores dotes interpretativos para incorporalos aos novos episodios e os gañadores foron Roi e Alfred.
Roi publicou este martes en Instagram a primeira imaxe da súa participación na serie co comentario: «¡Isto promete !».
A segunda tempada desta produción protagonizada por Brays Efe e Belén Cuesta tamén contará coa incorporación de Ana Obregón, segundo confirmou a propia actriz.
Paquita Salas é unha webserie cuxos primeiros episodios se emitiron en Flooxer, plataforma dixital de Atresmedia, antes de ser adquiridos por Netflix.