A primeira edición da Festa do Marisco de Narón serviu máis de 300 quilos de produto
08 jun 2025 . Actualizado á 05:00 h.O paseo de Xuvia acolleu este sábado a primeira edición da Festa do Marisco de Narón, unha cita gastronómica organizada pola Confraría de Pescadores Santiago Apóstol de Barallobre coa colaboración do Concello.
Vieira, navalla e paella foron os produtos que se degustaron baixo unha carpa de 1.000 metros cadrados con capacidade para máis de seiscentas persoas. Houbo dúas quendas de comida ao mediodía e outro polas serán.
O marisco é todo da ría de Ferrol (a vieira conxelada) e aínda que estaba previsto incluír zamburiña, a presenza de toxina na ría obrigou a cambiala por navalla. Estaba previsto repartir entre uns 300 ou 400 quilos de marisco na festa.
Para dar a coñecer o seu traballo, a confraría instalou un posto no que se exhibiu todos os produtos que extraen os mariscadores da ría (agora mesmo existe un paro biolóxico) e mostraron nun vídeo a forma de extracción.
Tamén houbo unha zona de inchables para os máis pequenos.