Cortada al tráfico la autovía AG-53 a la altura de Dozón por un incendio
O xuíz da Audiencia Nacional quere coñecer primeiro o informe da Comisión de Investigación de Accidentes Marítimos por se puidesen derivarse outras dilixencias relevantes para esclarecer os feitos
19 feb 2025 . Actualizado á 04:46 h.Por máis que as familias das 21 vítimas do naufraxio do Villa de Pitanxo, ocorrido en Terranova en febreiro do 2022, manifestaron días atrás o seu rexeitamento para prorrogar seis meses a instrución da causa porque o informe pericial encargado polo xulgado é contundente e clarificador, o maxistrado Ismael Moreno decidiu ampliar ese período ao considerar que quedan pendentes «dilixencias esenciais» para esclarecer os feitos. Refírese Moreno ao informe da Comisión de Investigación de Incidentes e Accidentes Marítimos (Ciaim), que hoxe se reúne en pleno para tratar de pechar o expediente. E non só iso, senón que no auto, ao que tivo acceso Efe, o maxistrado sinala que dese informe pericial poden derivarse outras dilixencias relevantes para o esclarecemento dos feitos.
Como o prazo vencía o próximo 2 de marzo, Moreno optou por ampliar a instrución outros seis meses.
O portavoz das familias afectadas, María José de Pazo, resaltou que acatan a decisión xudicial, por máis que consideran que o informe pericial elaborado coas probas recollidas da baixada ao pecio do Villa de Pitanxo e as súas conclusións, que reforzan o testemuño do mariñeiro ganés Samuel Koufie, cunha versión contraria aos outros dous únicos sobreviventes da tripulación, son contundentes. Agora ben, «se ou xuiz ten mente ningunha outra nova dilixencia, afrontamos lestes novos seis meses sempre coa certeza de que haberá xustiza», sentenciou.