A consellería concede axudas de entre 17.000 e 164.000 euros a confrarías e outras entidades do sector
05 feb 2025 . Actualizado á 05:00 h.Para cofinanciar «labores de asistencia técnica e/ou control, seguimento e vixilancia» no sector marisqueiro de Galicia, a Consellería do Mar ofreceu o pasado outubro subvenciones a entidades sen ánimo de lucro involucradas na coxestión dos recursos. Consignou un total de 4,72 millóns de euros, a distribuír en réxime de concorrencia competitiva. Con este criterio de concedelos aos proxectos que mellor se axustasen á convocatoria, distribuíu un total 3,97 millóns, o 84% do diñeiro que consignara.
O 70% procedían do Fondo Europeo Marítimo, de Pesca e de Acuicultura (Fempa) e o outro 30% achegouno a Xunta. A relación de 58 beneficiarios e as contías asignadas a cada un deles publicáronse no Diario Oficial de Galicia deste 4 de febreiro. Oscilan entre 17.000 e 164.000 euros.