Polémica por unha entrevista á actriz de «O Resplandor» que evidencia os seus problemas mentais
SOCIEDADE
![](https://img.lavdg.com/sc/6NvWAr-A0rpEZ3TfCKNVyo1gt48=/480x/2016/11/17/00121479412020221563131/Foto/sheH.jpg)
No avance do programa, que se emite este venres, Shelley Duvall asegura que Robin Williams está vivo, pero cambia de forma «continuamente». Os seus fans piden respecto e que non se explote a súa enfermidade
17 nov 2016 . Actualizado á 20:55 h.A aparición da actriz Shelley Duvall, soada polo seu papel nO Resplandor, no programa de televisión do Dr. Phil, un antigo colaborador de Oprah Winfrey, acendeu a polémica. Aínda que a entrevista con Duvall aínda non se emitiu, o avance do programa, previsto para este venres, puxo en evidencia os graves problemas mentais de sofre a actriz e xeraron unha onda de críticas contra o espazo, xa que moitos cidadáns consideran que se está explotando a enfermidade de Duvall, para quen reclama «respecto».
Unha das voces máis críticas foi a de Vivian Kubrick, filla do director que lanzou á fama a Duvall nO Resplandor, quen escribiu unha carta ao Dr. Phill na que cualifica de «espectáculo horrible e de explotación» e «tremendamente cruel» que se expoña á actriz ás cámaras a pesar de o seu «lamentable estado de saúde».
No avance do programa, de apenas 30 segundos e que se titula Shelley Duvall perdeu a cabeza, evidénciase o mal estado da intérprete, quen asegura, entre outras cousas, que Robin Williams, quen participou onda ela na película musical Popeye, está vivo «pero que cambia de forma continuamente» e onde recoñece que está «moi enferma» e necesita axuda.
Numerosos seguidores da actriz tamén mostraron a súa repulsa nas redes sociais, ademais de compañeiros de profesión, como o actor Patton Oswalt: