Con este equipo incumpren todos os protocolos de seguridade independentemente do tipo de incidente que teñan que atender
11 dic 2025 . Actualizado á 23:19 h.Dous bombeiros e o seu mando. Este é todo o equipo humano que estará dispoñible no Parque de Bombeiros de Santiago durante toda a xornada deste xoves, e ata as 10 da noite, cando chega a seguinte quenda.
A quenda de hoxe, xoves, é o máis mermado de todos, xa que nas últimas semanas estivo con entre 3 e 4 efectivos. É así por baixas médicas, permisos e vacacións.
Con dous bombeiros e un mando incumpriranse todos os protocolos de seguridade independentemente do tipo de incidente que teñan que atender. En caso dunha emerxencia, na que se precisa o apoio doutros parques, un dos bombeiros tería que quedarse no parque para coordinar a chegada de efectivos externos, o que implica que só dous bombeiros (un deles mando) estarían no lugar da incidencia.