A patinaxe artística compostelá perde a Teté Otero, un dos seus referentes: «A súa paixón e entrega deixan un legado que seguirá inspirando a moitos»
SANTIAGO
Foi, xunto á súa irmá Paula, a fundadora e adestradora do club de patinaxe artística Campus Stellae
04 dic 2025 . Actualizado á 10:44 h.A patinaxe compostelá amence hoxe de loito tras o falecemento onte de Teté Otero, a fundadora e adestradora, xunto á súa irmá Paula, do club de patinaxe artística Campus Stellae.
Na súa faceta como patinadora, e xunto á súa irmá, ambas as chegaron a conseguir en varios campionatos de Galicia na modalidade grupos show. Aínda así, en Compostela Teté Otero era coñecida por impartir patinaxe a moitas xeracións de nenos, tamén, hai anos, no Club Deportivo Fontiñas.
A Federación Galega de Patinaxe enviou unha mensaxe de condolencia a través das súas redes sociais. «Hoxe unímonos á dor do Campus Stellae pola perda dunha persoa tan querida e fundamental na súa historia, Teté Otero. A súa paixón e entrega pola patinaxe deixan un legado que seguirá inspirando a moitos. Desde a Federación Galega de Patinaxe enviámosvos todo o noso cariño e apoio nestes momentos tan difíciles», destacan.
A misa funeral celébrase esta tarde ás 19.00 horas na capela do Complexo Apóstolo.