As actividades desenvolveranse os días 8 e 9 de novembro
01 nov 2025 . Actualizado á 14:13 h.Días 8 e 9 de novembro • O Museo das Peregrinacións celebrará a próxima fin de semana, os días 8 e 9, unha década na súa nova sede na Praza de Praterías. Para festexar o aniversario deseñou unha programación especial dominada pola música e os talleres, con propostas tanto para todos os públicos como para os adultos.
A primeira cita será un taller de vidriería artística coa artesá Cristina Morales, que se celebrará de 10.30 a 13.30 horas, para o que é necesario inscrición previa.
Pola tarde, a música é a protagonista nas distintas salas do museo. Alzará o pano ás 16.30 horas o multiinstrumentista Álex Salgueiro, que tocará o clavicordio, un instrumento precursor do piano, que trasladará ao público por atmosferas barrocas. Eloi Pérez tomará a testemuña unha hora despois coa gaita irlandesa. Evocará o «Camiño Celta», que comeza en Irlanda. Do peche musical encargarase a partir das 18.30 horas Juan Collazo co vibráfono. A entrada é libre. O domingo haberá dous talleres. O primeiro, ás 11 horas, para adultos, será de repostería do Camino de Santiago. Impartirao María Luisa Candedo. Ás 12.30 horas, será a quenda das danzas do mundo. Unha proposta para todos os públicos con Pilar Conde.