Carmen Vidal, xefa do Servizo de Alergoloxía do CHUS, recibe o premio Charles Blackley
SANTIAGO
O galardón recoñece a contribución de Vidal á promoción da alergoloxía, así como a excelencia no seu traballo e o seu liderado a cargo da especialidade
11 jun 2024 . Actualizado á 19:04 h.Carmen Vidal, xefa do servizo de Alergoloxía da área sanitaria de Santiago, recibiu o premio Charles Blackley Award 2024, galardón que concede a Academia Europea de Alerxia e Inmunología Clínica. A entrega tivo lugar en Valencia, onde se celebrou o congreso europeo da especialidade, no que se reuniron máis de 8.000 profesionais para debater os últimos avances e accións no campo da alerxia.
O premio recoñece a contribución de Vidal á promoción da alergoloxía, así como a excelencia no seu traballo e o liderado a cargo da especialidade. «Estou honrada e agradecida por recibir este recoñecemento, testemuño do traballo duro e dedicación de todo o equipo, así como da importancia da alergoloxía e a inmunoloxía clínica na saúde da nosa comunidade», afirmou a agraciada. O CHUS conta con sete médicos especialistas e residentes, os cales diagnostican a 5.000 novos enfermos cada ano.