O programa abrirase coa proxección da película «Riada», ás 17.30 no Museo do Pobo
20 mares 2024 . Actualizado ás 04:50 h.A edición número 19 da Mostra de Cinema Etnográfico levanta este mércores o pano en dous dos seus catro escenarios: o Museo do Pobo Galego e o Teatro Principal. O programa abrirase coa proxección da película «Riada», ás 17.30 no Museo do Pobo; e terá unha dobre cita no Principal. A primeira terá lugar ás 20.00 horas, nunha sesión inaugural da mostra na que o protagonismo será para o espectáculo «586 cantos», de homenaxe a Dotothé Schubarth. E para finalizar esta primeira xornada, ás 22.00 horas, proxectaranse dentro da sección Trazas o curto «Conxo, unha experiencia», de Manuel Abad, e a longametraxe «CCCV», de Ramiro Ledo. Con estas dúas proxeccións, o Cineclube de Compostela traslada a súa programación desta semana á Mostra de Cinema Etnográfico.