Centros comerciais e o Concello amiense organizan actividades este venres
09 feb 2024 . Actualizado ás 04:55 h.Aínda que o Meco non iniciará o seu reinado ata mañá, o entroido xa asoma hoxe con forza. Os máis pequenos teñen a posibilidade de gozar entre as 17.30 e as 20.30 horas de inchables en Área Central.
A música estará moi presente. Nas Cancelas, ás 18.00 horas, celebrarase o concerto de En Clave Método Suzuki «Especial Grease». Tamén actuarán os membros da EMMA ás 20.00 horas na Casa de Cultura de Bertamiráns. Na mesma localidade, os maiores amienses festexarán o entroido desde as 17.00 horas.