Ferido grave un ciclista en Caldas tras caerse despois de que se le desenganchara un pedal
CALDAS DE REIS
O home, veciño de Valga, foi evacuado nunha ambulancia do 061 ao non ser necesario finalmente o traslado en helicóptero
12 oct 2025 . Actualizado á 18:53 h.Un ciclista resultou ferido grave este domingo no municipio pontevedrés de Caldas de Reis tras sufrir unha caída. Segundo explicaron diversas fontes a La Voz, o accidente ocorreu sobre as 11.30 horas á altura do quilómetro 97,2 da estrada nacional 550 que enlaza a localidade con Santiago. Foi a poucos metros de Guindastres Rubio, case no entroncamento coa circunvalación. Ao parecer, o home, A.M.T.R., de 40 anos e veciño do concello de Valga, circulaba en paralelo cun compañeiro cando se le desenganchó un pedal e non puido evitar a caída, golpeándose contra o asfalto e quedando tendido na calzada. Inicialmente, perdeu o coñecemento e avisouse aos medios de emerxencia.
Desprazáronse ata o lugar do accidente a Policía Local de Caldas, o Servizo de Emerxencias de Cuntis e Urxencias Sanitarias. Foi mobilizado un helicóptero, pero finalmente non foi necesario o traslado aéreo. Si foi evacuado nunha ambulancia de soporte vital básico (SVB) co médico do punto de atención continuada (PAC) ao hospital Montecelo, en Pontevedra. Como consecuencia do golpe, o ciclista presentaba unha posible fractura nunha man e un corte nunha perna.