O equipo verde só gañou un partido esta tempada
12 abr 2025 . Actualizado á 23:14 h.Volveu perder. Xa non xogan nada. O Arxil esgota a competición sen opcións para dar a volta a unha tempada nefasta na que tan só puideron gañar un partido. Xa descendidos, sen a presión de gañar para lograr a permanencia, achegáronse á súa mellor versión. No partido fronte ao Barakaldo tiveron opcións de voltear o partido. Comezaron perdendo o primeiro cuarto e repetiron o mesmo no segundo. Ao descanso, ían sete abaixo, pero na continuación, redobraron os esforzos e chegaron a porse a só un punto grazas ao acerto de Nerea Liste, que anotou 25 puntos nun partido que pechou con 42 de valoración.
A posibilidade de vencer escapoulle das mans no último cuarto, ao caer de cinco puntos ante un Barakaldo con acerto de cara ao aro. Ao Arxil tan só lle queda un partido na casa antes de despedir un ano para esquecer.
FICHA
ARXIL: Raquel de Lima Viegas (13), Marta Fernández (2), Margarita Moreiras (4), Heather Forster (12), Nerea Liste (25) —cinco inicial—. Sofija Zivaljevic (7), Miriam García, Cristina Díaz-Pache (2), Meniña Trajchevska (3).
BARKALDO: Linda Van Schaik (13), Lotte Sant (15), Inés Tomás (7), Marta Vulovic —cinco inicial—. Uxue Etxarte, Jone Legarreta, Barbora Tomancova (17), Paula García (19), Absatou Diaw .
PARCIAIS: 17-21, 13-16 (30-37, descanso), 21-15 (51-52), 17-22 (68-72, final)
ÁRBITRO: Alejandro Peliteiro e Encarnación Hernández Cañaveras.