Dominou un encontro no que Franzini e Mateo Arias marcaron a diferenza
12 abr 2025 . Actualizado á 23:14 h.Exhibición do Cisne case de principio a fin. Necesitaba a vitoria para dar un paso firme cara á permanencia e afastarse canto antes da zona de perigo. Tras empatar a pasada semana, este sábado tocáballe xogar na casa ante o Porto Sagunto. A vitoria era importante para coller distancia. Seguen décimos, pero os dous puntos permiten afastarse do Agostiños e Sevilla xa cercarse ao Eivissa, que é noveno.
Aínda que o inicio do partido foi moi igualado, o Cisne foi capaz de coller pronto as rendas do encontro e asinou un parcial de 6-3 en dez minutos. A defensa axudou a que o rival non atopase demasiadas opcións para igualar. O acerto dos brancos era un furacán na pista do pavillón municipal, onde Franzini, como case sempre, foi unha peza imprescindible de apoio á defensa, mentres Mateo Arias collía a substitución no ataque para irse no marcador ata os 15-8 a cinco minutos do descanso. Foron capaces de soster esa vantaxe ata que enfilaron o túnel de vestiarios. O partido estaba totalmente controlado para os brancos, que saíron na segunda parte co mesmo ritmo. O Sagunto, con todo, apertou para recortar distancias e volver meterse de novo no partido. Reduciu a fenda ata os cinco goles e o banco de Marcos Otero, Quiños, púñase nervioso. Tanto é así que co marcador en 24-18 pediu un tempo morto para corrixir os erros que empezaban a pasar factura na pista.
A vantaxe déralles unha relaxación que podía complicarlle a recta final do partido no Municipal. Tras ese toque de atención e cando quedaban só dez para o final, Daniel Virulegio e Furtado marcáronos a pares para irse definitivamente no electrónico e sentenciar o encontro antes de que o árbitro pitase o final do partido. A liga descansará a próxima xornada e retomarase despois da Semana Santa. Aos brancos tocaralles visitar a cancha do Burgos o domingo 27 pola mañá.
FICHA
CISNE: Franzini, Bruno Vázquez (1), Xoán Fernández 81), Manuel Lorenzo (2), Iago Costa (5), Víctor Fernández (4), Javier Vázquez (1), Ivá Calvo, Diego López (1), Daniel Virulegio (3), MATEO Arias (4), Gualther Furtado (5), Carlos Morales, Marko Ojeda (3), Alberto Delgado (1).
PORTO SAGUNTO: Joaquín Lora, Leonel Costa da Silva (5), Álvaro do Val, Diego Olba (8), Nicolás López, Daniel Martínez, Joaquín Barceló (2), Arnau Fernández (4), Dusan Trifkovic (1), Gonzalo Pérez, David García (1), Mario Rodríguez, Matheus Lennon de Novais (2), Antonio Capitán, Seka Gallart (1), Sergio Torio.
MARCADOR: 3-2, 6-3, 8-5, 9-7, 15-8, 18-10 (descanso), 19-12, 22-14, 24-17, 25-20, 27-22, 31-24 (final)
ÁRBITRO: Pablo San Emeterio e Javier Ariño. Amarela a Marcos Otero, adestrador do Cisne, e a Antonio Malla, adestrador do Porto Sagunto.