A entidade estrea novo local en Verín
22 may 2024 . Actualizado á 05:00 h.Un total de 292 persoas foron atendidas polo servizo de Psicoloxía da Asociación Española contra o Cancro durante o ano pasado. Recibiron un total de 1.329 sesións. Supón un incremento de medio centenar de usuario con respecto ao 2022, segundo destacou o presidente da AECC en Ourense, Germán Rodríguez-Saá, na presentación do balance de actividades do 2023. Tamén creceu o número de beneficiarios de atención social, que foron un total de 412 enfermos de cancro ou familiares destes pacientes. Ademais, a asociación realizou 73 préstamos de material e 65 de perrucas.
Durante o ano pasado mantivéronse tamén as actividades de prevención, como charlas ou roteiros saudables. Todo grazas ao apoio dos voluntarios, que tamén se incrementaron ata chegar ás 200 persoas que colaboran de xeito desinteresado coa asociación. Desde Ourense, doutra banda, contribuíuse á investigación do cancro con 99.058 euros. Foi grazas ao diñeiro achegado, entre outros, polos 5.127 socios (412 novos) e os 18.307 euros recadados na cuestión na rúa. A asociación manexa un orzamento de 932.438 euros.
Rodríguez-Saá presentou os datos durante a súa visita á nova sede da AECC. A agrupación trasládase ao edificio do antigo lavadoiro tras a cesión do espazo por parte do Concello. O convenio foi asinado por Rodríguez-Saá e a edila de Benestar Social, Rosario Rodríguez. O presidente trasladouse tamén ás instalacións de Verín Pádel Indoor, onde lle entregaron o cheque cos 4.140 euros recadado nun torneo solidario celebrado na primeira quincena de maio.