Luis Menor visitou o concello de Baixa Limia para supervisar os traballos executados
13 dic 2025 . Actualizado á 05:00 h.O Concello de Lobeira fue a parada este venres do presidente da Deputación, Luis Menor, na súa ruta pola provincia para comprobar a execución de obras incluídas no plan Cooperou 2025, que financia o organismo provincial. A cooperación institucional foi un dos puntos cuxa importancia subliñou Menor durante o encontro co alcalde de Lobeira, Antonio Iglesias.
Segundo a Deputación, cando finalice este mandato, este municipio de Baixa Limia recibiría ao redor dun millón de euros destes fondos de cooperación destinados a diferentes proxectos.
«Comprobamos en Lobeira que é un concello exemplo de eficiencia enerxética, humanización e aposta pola mellora da calidade de vida dos veciños», apuntou o presidente da Deputación.
Pola súa banda, o alcalde de Lobeira valorou positivamente o encontro co dirixente provincial e o apoio que recibiu o Concello para levar a cabo proxectos relacionados coa mellora de sumidoiros ou a eficiencia enerxética.