Este sábado instalarase un punto de recollida de alimentos, xoguetes e roupa para a campaña Operación Quilo
17 dic 2021 . Actualizado á 12:49 h.A Operación Quilo, que cada ano organiza a asociación xuvenil Amencer para axudar ás familias máis necesitadas, vivirá este sábado unha xornada especial cunha gran recollida que se desenvolverá no Centro Comercial Ponte Vella. En planta baixa, na zona de entrada ao hipermercado Gadis haberá un posto de recollida de alimentos, xoguetes ou roupa, que estará aberto aos donativos desde as 10.00 ás 22.00 horas. O que se recolla incorporarase ao resto de doazóns que o colectivo xuvenil está a solicitar para facelas chegar aos veciños con máis dificultades económicas a través de Cáritas, como cada Nadal.