A asociación xuvenil de Salesianos organizou actividades desde o venres ao martes
01 dic 2021 . Actualizado á 14:18 h.Amencer organizou para o ponte da constitución un bo puñado de actividades co fin de entreter e divertir aos máis pequenos da casa nestes días festivos. Trátase dunha nova edición do proxecto A tope na ponte cuxas actividades arrincan este venres cun taller de cartóns de Nadal e varios xogos. Será de 17.15 a 19.45 horas nos xardíns do colexio Salesianos, O sábado celebrarán unha pijamada no mesmo lugar, desde as 11.15 ás 13.00 horas. Haberá saltos e diversión.
O luns tocaralle a quenda ao torneo solidario de fútbol sala que organiza a asociación xuvenil en favor da Operación Quilo. A xornada deportiva arrincará ás 11.00 horas. E o martes, os pequenos que decidan participar en A tope na ponte encargaranse de decorar a árbore de Nadal de Amencer. Será de 11.00 a 13.00 horas. A proposta rematará pola tarde, cun taller de manualidades no que aprenderán a facer bonecos con rolos de papel, de 17.15 a 19.45 horas.
Todos aqueles que queiran inscribirse no torneo ou informarse dalgunha das actividades poderán facelo na sala de Amencer no colexio Salesianos.