Opel veuse á fronteira do río Miño, entre España e Portugal, para presentar o seu novo modelo Fronteira, un SUV compacto que chegará con motorización híbrida ou eléctrica e cuns prezos moi competitivos, desde 19.900 euros.
15 jun 2025 . Actualizado á 05:00 h.E l Fronteira é a gran lanza amento de Opel este ano e chega para enclavarse na gama entre o Mokka e o Grandland, xa que as súas medidas son de 4,39 metros, aínda que no seu interior pode albergar cinco ou sete prazas.
Presentouse en dúas versións, a primeira unha híbrida lixeira de 48V, que combina o motor 1.2 Turbo de gasolina de 100 cabalos cun motor eléctrico de 28 cabalos, unidos a unha caixa de cambios automática de seis velocidades. Este motor, con consumos moi comedidos, ponse á venda desde 19.900 euros.
A outra versión de lanzamento deste Fronteira será a eléctrica, cun motor de 113 cabalos e unha batería de 44 kWh coa que pode acadar unha autonomía de 305 quilómetros, pero que ademais acepta cargas rápidas que en só 20 minutos poden acadar ata o 80% da súa capacidade total. Esta motorización é moi alcanzable, pois grazas ao Plan Moves III e ás campañas de lanzamento o seu prezo partirá dos 16.600 euros, que ademais se poden financiar con prazos desde 129 euros ao mes. Con estes prezos, Opel pode romper o mercado dos SUV compactos electrificados.
Os novos Fronteira gozan dunha imaxe moi refinada, marcada por unhas liñas contundentes, onde domina o frontal Opel Vizor e os faros Intelli-LED de serie. No interior destaca sobre todo o confort dos asentos e a capacidade do maleteiro, de ata 460 litros. Con dous acabados, Edition e GS, este último inclúe conectividade inalámbrica con teléfonos, ata cinco portos USB-C, cámara traseira, asistente de aparcadoiro ou lamias de ata 17 polgadas. Opel quixo engadir a este Fronteira o seu programa de garantía especial de oito anos ou 160.000 quilómetros.