06 jul 2025 . Actualizado á 05:00 h.
O consumo de café crece a un ritmo do 15 % anual segundo a Asociación China do Café de Pequín. As importacións aumentaron en 130.800 toneladas en catro anos, ao que hai que engadir o café que se produce en China, especialmente nas provincias de Yunnan e na illa de Hainan. China, o país do té, é seducida polo café e a súa industria xa move uns 42.000 millóns de dólares (35.732 millóns de euros) ao ano. Consómeno as persoas entre 20 e 40 anos que viven en zonas urbanas. A nova paixón pola cafeína impulsa a China a competir tamén no mercado global. A cadea autóctona Luckin Coffee, con 24.000 establecementos, acaba de abrir o seu primeiro café en Nova York con prezos máis baixos que os seus competidores Starbucks, Dunkin' e Tim Hortons.