O Goberno destina 566 toneladas de alimentos a máis de 9.000 persoas en situación vulnerable da provincia de Lugo
![Suso Varela Pérez](https://img.lavdg.com/sc/ASewT5MJiE9eq6ljqgjBZm1HJrI=/75x75/perfiles/45/1623079525697_thumb.jpg)
LUGO CIUDAD
![Visita al almacén de Cruz Roja que distribuye los alimentos](https://img.lavdg.com/sc/BYIszq5Fy1adjq9g7TeDj1zgzSo=/480x/2022/10/06/00121665052382209887399/Foto/L06O2008.jpg)
Cruz Vermella e o Banco de Alimentos entregan produtos de primeira necesidade
06 oct 2022 . Actualizado á 12:34 h.Comezou a segunda fase do Programa de Axuda Alimentaria que xestiona o Ministerio de Agricultura, Pesca e Alimentación, o que axudará a distribuír 361.860 quilos de alimentos, cun valor de 393.000 euros e do que se beneficiarán 9.161 persoas da provincia de Lugo. A primeira fase desenvolveuse ata o pasado maio e repartiu outros 204.226 quilos de produtos alimentarios a 8.531 persoas.
Esta mañá de xoves, a subdelegada do Gobierno, Isabel Rodríguez, visitou o almacén de Cruz Vermella en Lugo cidade para coordinar a posta en marcha da citada segunda fase do programa de axuda ás persoas máis desfavorecidas. Na visita estivo acompañada polo presidente provincial de Cruz Vermella, Luis Abelleira, e o responsable do servizo de Agricultura da Subdelegación do Goberno, Enrique Fernández.
A subdelegada destacou que este programa «constitúe un excelente exemplo de todo o traballo que colectivamente levamos a cabo dende o Goberno, coa colaboración de ONG´s, para as persoas máis desfavorecidas que merecen e necesitan o noso apoio. Entre todos, temos que facer unha sociedade máis xusta».
Isabel Rodríguez informou de que son 566.086 os quilos de alimentos que distribúe este ano o Goberno a máis de 9.000 persoas en situación vulnerable da provincia. O valor económico da axuda alimentaria repartida este ano ascende a 573.000 euros.
Isabel Rodríguez agradeceu a colaboración que prestan todos os voluntarios e persoal desta entidade e do Banco de Alimentos, así como das máis de 5.300 organizacións asociadas e que fan a repartición aos destinatarios finais.
Que alimentos se distribúen
Os alimentos que distribúen a Cruz Vermella e o Banco de Alimentos son de primeira necesidade: tarros infantís de froita e de pito, conservas de atún, arroz branco, garavanzo cocido, pasta alimenticia, tomate frito en conserva, galletas, macedonia de verduras en conserva, cacao soluble, leite enteiro UHT e aceite de oliva.