Impútaselles delitos de incendio forestal por imprudencia grave
22 ago 2025 . Actualizado á 18:32 h.A Garda Civil imputa en calidade de investigados a un súbdito portugués, de 37 anos de idade, e a un veciño de Monterroso, de 30 anos de idade, como supostos autores de dous delitos de incendio forestal por imprudencia grave.
Os axentes da Garda Civil adscritos ao EMIIF (equipo multidisciplinar de investigación de incendios forestais) iniciaron unha investigación policial en aras de esclarecer a autoría de dous incendios forestais ocorridos nos termos municipais de Folgoso do Courel e de Monterroso.
Froito da aplicación e utilización de novas tecnoloxías aplicadas á investigación das causas dos incendios forestais, constatouse que a orixe do incendio ocorrido en Folgoso do Courel está nos traballos de aproveitamento forestal que se realizaban na zona cunha maquina cortadora- procesadora de árbores e que o incendio en Monterroso ten a súa presunta orixe nun escape dunha queima realizada sen autorización administrativa.
As persoas investigadas no primeiro semestre como supostos autores dun delito de incendio forestal, foron na súa maioría por imprudencias, sendo as causas máis habituais o incumprimento nas condicións impostas na autorización ou comunicación na realización de queimas, imprudencias en traballos forestais e desbasto.
As dilixencias policiais foron remitidas á Autoridade Xudicial.