Na cidade hai un centenar de usuarios que ofrecen armas, documentación falsa, prostitución e mesmo intercambio de parellas
25 oct 2023 . Actualizado á 15:28 h.«Servizos» de prostitución, venda de de drogas ou armas e ata tríos. Son ningunhas das opcións que esconde a cara oculta da rede social Telegram en Lugo. Con todo, este servizo de mensaxería en liña precisamente saltou á fama por ter dúas capas de cifrado seguro, que inclúen os coñecidos «chats secretos».
Un dos usuarios máis activos en Lugo ofrece, a través de Telegram, droga as 24 horas e envío a domicilio en 10 minutos. Segundo especifica na descrición, o «catálogo de servizos» vai desde as drogas de deseño (éxtase, GHB ou LSD) a cogollos de marihuana ou medicamentos como a viagra.
Documentación falsa e armas
Así mesmo, ofértase documentación como DNI ou pasaporte e mesmo permisos para conducir, que se supón que serían documentos falsos. Pero ademais, véndense pistolas, e escopetas e, o peor, anúncianse armas de guerra automáticas.
Nun dos anuncios aparecen armas que non se poden comprar en España, mesmo fusís de asalto con posibilidade de lanzar granadas. Trátase de armas fotografadas noutros paises onde se poden atopar se se dispón de licenzas especiais, como en EE.UU, pero que en España supón tráfico de armas de guerra, algo completamente prohibido. Nalgúns anuncios como ese, especifícase que o horario é amplo: «Estamos abertos as 24 horas».
Na aplicación, aberta a calquera usuario, suponse que tamén poden participar os membros dos corpos e forzas de seguridade de Lugo que, por iso, poderían estar ao tanto destes artigos, aínda que seguen en venda desde hai tempo e non son retirados.
Entrega rápìda e moitos «vendedores»
Esta non é a única opción de comprar droga -ben sexa en formato pastilla, inxectable ou para inhalar- a través de Telegram, o gran rival de WhatsApp. Hai decenas de usuarios activos que prometen opcións similares, e con «entrega ultrarrápida» deste tipo de drogas.
Pero aínda hai máis: tamén se venden medicamentos que só se expiden con receita médica, como os potenciadores sexuais de marcas como Viagra ou similares.
As normas de Telegram din que o usuario debe ter 16 ou máis anos para acceder á aplicación, pero non pide unha confirmación de idade ao facer o rexistro e, por tanto, os menores que usen a aplicación en Lugo poden atopar todos estes produtos ou servizos a poucos/pouos metros da súa casa.
Por outra banda, na rede social tamén se anuncian «servizos» de prostitución e proposicións para tríos, con imaxes explícitas dalgúns usuarios. Os anuncios de prostitución están prohibidos explicitamente na Lei Orgánica de Garantía Integral da Liberdade Sexual, coñecida como lei de só si é si.