A conselleira de Infraestruturas destaca que a Xunta investirá no 2022 case 38 millóns en estradas de Lugo
15 mar 2022 . Actualizado á 11:12 h.A conselleira de Infraestruturas e Mobilidade, Ethel Vázquez, apuntou este luns en Lugo que a Xunta investirá no 2022 case 38 millóns de euros nas estradas da provincia. Xunto co delegado territorial da Xunta en Lugo, Javier Arias, presentou os presupostos do seu departamento para a provincia, con 74,27 millóns de euros, dos que máis do 50% irán dedicados a conservar, mellorar e ampliar a rede autonómica de estradas.
Vázquez lamentou que as contas do 2022 a pesar de vir fortalecidas polos fondos europeos Next Generation, «os criterios do Goberno de España impiden que se destinen a actuacións en municipios de menos de 50.000 habitantes, e así a Xunta só pode investir os fondos europeos de reconstrución en materia de mobilidade na cidade de Lugo».
A conselleira contrapuxo as contas do Estado, que na súa opinión retardan ou paralizan as autovías pendentes, cos presupostos da Xunta, «que si demostran vontade de avanzar nas comunicacións viarias da provincia, pois vanse investir case 8 millóns en rematar o treito A Pobra-Sarria centro da autovía Nadela-Sarria, que acada o 60 % de execución e estará en servizo en outono de 2022. Ademais avanzarase no resto do desdobramento ata Nadela, cuxa redacción de proxecto se licitará antes de que acabe este ano».
Ethel Vázquez dixo que había compromiso autonómico de destinar máis de 25,8 millóns nesta autovía nos próximos tres anos, «o que demostra que esta actuación xa non ten parada nin volta atrás».
Por outra banda, referiuse á mellora da LU-231, do eixo Begonte-Friol-Palas, ao que se destinan 3 millóns de euros no 2022, «dentro dun compromiso global de 6 millóns ata 2024, xa que comezou a execución da 1ª fase e proximamente someterase a información pública o proxecto da 2ª».
Os presupostos tamén contemplan o compromiso de investir os case 10 millóns necesarios para completar a actuación na LU-651 en Folgoso do Courel, empezando os próximo anos polo tramo entre Ferrería Vella e Seoane, cun investimento de 1,5 millóns de euros.
Tamén fixo referencia aos 7,5 millóns de euros reservados para o 2022 no corredor que une Ferrolterra coa Mariña Occidental. Tamén se prevé un impulso a obras complementarias, como a reforma da LU-540 na Gañidoira: «unhas obras fundamentais para mellorar as comunicacións da Mariña Occidental con Lugo, que suporán un investimento de 12 millóns». Ethel Vázquez sinalou que este proxecto xa está redactado e en fase de supervisión técnica co fin de sometelo a información pública a finais deste ano ou principios do 2022.
Ethel Vázquez apuntou que se recollen máis de 10,5 millóns en actuacións de conservación, vialidad invernal, mellora de firmes ou supresión de tramos de concentración de accidentes.
Sobre a eterna obra dos accesos ao Porto Seco de Monforte, Vázquez dixo que ten un investimento plurianual total de máis de 4,7 millóns de euros, «pero non se poderá facer mentres o Goberno de España non desbloquee esta actuación».
Plan Paradai e intermodal
En termos similares referiuse á continuidade do Plan Paradai de Lugo, «no caso de que o Concello de Lugo e a Confederación Hidrográfica de Miño-Sol desbloqueasen, por fin, o marco urbanístico e xurídico para facelo». E sobre a Rolda Este dixo que se incluían partidas para avanzar na actualización do proxecto, xa adxudicado.
Tamén avanzou que o seu departamento impulsará unha actuación singular na cidade, que consiste na construción dunha senda para comunicar o HULA coa cidade, en concreto coa estación de ferrocarril e a futura estación intermodal. Para o próximo ano asignáronse 280.000 euros, nunha obra da que está licitado o proxecto. A estimación é que a senda estea lista para o 2024 tras un investimento de 1,7 millóns de euros. Segundo un avance feito pola consellería, o camiño sairía da estación, cruzaría a ponte do tren, iría pola avenida Adolfo Suárez, Rúa Galegos e subida pola Rúa Espadela ata a rotonda da entrada ao aparcadoiro que usan os empregados do HULA.
En relación coa estación intermodal, dixo que se avanza un investimento de algo máis dun millón de euros «coa confianza de que culmine o proceso de modificación do PXOM e avancen as negociacións con ADIF e o Concello para poder empezar a materializar xa o proxecto».
La conselleira de Infraestruturas e Mobilidade, Ethel Vázquez, ha remarcado que la estación intermodal de Lugo tiene que recibir financiación a través de los fondos europeos de reconstrucción, al igual que la de A Coruña, para el aparcamiento subterráneo de la terminal, y en este sentido, ha celebrado que los presupuestos estatales prevean recursos procedentes de esta vía.
Vázquez, na presentación dos investimentos do seu departamento para a provincia de Lugo, precisou sobre a intermodal que a aposta da Xunta «é clara e decidida, como en todas as estacións intermodales. Nós queremos seguir traballando e que Lugo teña tamén a súa estación intermodal».
A conselleira opina que a estación intermodal ten que recibir financiamento a través dos fondos europeos de reconstrución, do mesmo xeito que a da Coruña, para amortizar o gasto que suporá a construción do aparcadoiro subterráneo da terminal.
De feito, Vázquez, dixo que ao radiografiar o presuposto do Gobierno para o ano 2022 figuran cinco millóns de euros para a intermodal de Lugo, polo que celebra que «ADIF destine esos fondos de reconstrucción ao aparcamento», tal e como viña reclamando a Xunta de Galicia, que aínda non recibiu resposta oficial á súa última proposta.
O financiamento do aparcadoiro subterráneo era unha das diferenzas que condicionaba o acordo final entre a Xunta e o Goberno para a execución da intermodal, mentres que o outro das dúas frontes abertos ten que ver co proxecto, que ADIF está a redactar, e a situación urbanística da zona na que se construirá a intermodal.
En concreto, falta por liquidar a situación do edificio de Correos na actual estación de tren, a pesar de que a Xunta de Galicia «xa avisou no 2018 de que era necesaria unha modificación urbanística» para proceder á descatalogación dese inmoble. «Levamos esperando desde ese ano», dixo a conselleira, a que se liquide ese trámite.
