O Lemos salda con triunfo ante o Brollón o seu segundo ensaio de pretemporada

O Club Lemos levou a vitoria ante o Brollón no seu segundo ensaio de pretemporada e con tan só sete sesións preparatorias. Do mesmo xeito que sucedeu no choque do mércores ante a SD Chantada, un dos futbolistas máis destacados foi Rogerio, que ademais de desequilibrar pola súa banda e filtrar a Fito Periale o balón que acabou no segundo gol lemista, marcou o primeiro.

Rogerio, que non saíu no equipo titular, demostrou que está chamado a ser nun dos futbolistas desequilibrantes deste novo Lemos.

Os primeiros 30 minutos foron bastante igualados. A ocasión máis clara foi para Iker Calleja, que no minuto 39 tivo un man a man con Álex, porteiro do Brollón, que desbaratou esta ocasión. Con este susto para os locais e o 0-0 concluíu a primeira entrega.

Na segundo, Edu cambiou a maior parte do equipo, do mesmo xeito que o seu homólogo do Brollón. E nada máis comezar chegou o 0-1, obra de Rogerio. Non se veu abaixo o cadro de Chura, que puido empatar por medio de Isma, pero Losada nunha grande intervención evitouno. Aos 61 minutos, Luis estrelou unha falta no poste, e na recta final, Fito puxo o definitivo 0-2.

?

Álex; Adri, Castro, David, Miguel; Guiti, Isma, Yago, Madarnás; Taka e Damián. Tamén xogaron Davicín, Tourón, Jordi, Dani e Mario.

?

Abraham; Aissa O Jamai, Lamús, Delgado, Sergi Seijas; Dafonte, Iñaki, Adri Díaz, Irimia; Ian e Brais Pardo. Tamén xogaron Iker Calleja, Losada, Borja Castro, Emmanuell, Luis, Fito, Rogerio, Youness, Javi Vila, Pallín e Cereijo.

GOLES: 0-1, min 47, Rogerio; 0-2, min 36, Fito Periale.

ÁRBITRO: Adrián Rodríguez Pacios.

INCIDENCIAS: Partido que xogou no campo municipal de Vos Medos, en cuxas bancadas se deron cita unhas duascentas persoas. Tarde moi calorosa.

---

---

---