Trump despregará ao Ejercito para levar a cabo as deportacións masivas de inmigrantes

Donald Trump confirmou este luns que os seus plans para a deportación masiva de inmigrantes incluirán o uso da  Forza Armadas e unha declaración de emerxencia nacional. A confirmación chegou a través de Truth Social, a rede social da súa propiedade. A través dela, Trump respondeu coa palabra «certo» a unha publicación dun usuario que afirmaba que a súa administración está «preparada para declarar unha emerxencia nacional» e que usará «activos do Exército» para executar as deportacións.

No seu primeiro mandato Trump xa declarou unha emerxencia nacional para desbloquear fondos que lle permitisen construír un muro na fronteira con México. En canto ás deportacións, a súa primeira presidencia pechouse con 1,5 millóns de expulsados, ao redor da metade dos que deportó Barack Obama no seu primeiro mandato (2,9 millóns).

Ao longo da súa campaña, Trump tamén prometeu mobilizar a reservistas da Garda Nacional para apoiar as deportacións e suxeriu incluso recolocar tropas estacionadas no estranxeiro cara ao fronteira sur dos Estados Unidos para que aplicasen as leis migratorias do país.

Estas medidas suporían un cambio significativo no papel que desempeñaron ata o de agora as Forzas Armadas, xa que a lexislación estadounidense prohibe estritamente o uso do Exército para labores de vixilancia nacional, segundo recolle Efe da web o Brennan Center for Justice.

En Estados Unidos calcúlase que residen 11 millóns de indocumentados e que estes plans de deportacións masivas poderían afectar a 20 millóns de familias, moitas delas con membros que son cidadáns estadounidenses, de acordo á organización defensora dos migrantes America's Voice.

Esas deportacións poderían custar miles de millóns de dólares ao ano e provocar escaseza de man de obra en sectores crave da economía que dependen dos migrantes indocumentados, como a agricultura ou o sector servizos, segundo o grupo non partidista American Immigration Council.

---

---

---