O Celta vaise ao parón co menor rexistro de goles en contra desde a volta a Primeira
BANCADA DE RÍO
Os célticos recibiron 19 goles nos primeiros 17 partidos de liga
22 dic 2025 . Actualizado á 05:00 h.19 goles en contra en 17 partidos. Ese é a bagaxe que presenta o Celta en liga a estas alturas de tempada, un rexistro que se converte no mellor desde a volta a Primeira, igualando os números do equipo de Eduardo Berizzo no seu primeiro ano a cargo do equipo. Este curso, ademais, é o primeiro que os celestes acadan tan bos números estando inmersos en competición continental. Na súa anterior incursión, na mesma xornada, xa acumulaban 32 dianas en contra e hai un ano, sen ir máis lonxe, 28 eran os tantos recibidos, o que significa que agora son nove menos que entón.
Curiosamente, cando menos agardaba, chegou o xiro defensivo que tanto se demandara nos últimos tempos. En parte, porque a fichaxe do gardameta Ionut Andrei Radu supuxo un plus na portería e porque o sistema defensivo parece dar un paso adiante nos dous últimos meses baixo o liderado de Carl Starfelt, que se converteu en clave.