O malagueño é descarte, mentres Carlos Domínguez e Fran Beltrán, con gripe, non están dispoñibles
26 nov 2025 . Actualizado á 12:29 h.Claudio Giráldez leva a Bulgaria ao futbolista do Fortuna Ángel Arcos (O Rosal, 2006). Tras estar no banco en Mendizorrotza, o canteirán continúa entrando nos plans do adestrador do primeiro equipo do Celta e suma a súa primeira convocatoria na Europa League. Pola contra, Javi Rueda é descarte por decisión técnica para o duelo ante o Ludogorets, tomando a vez dun Manu Fernández que se quedou fóra por este motivo fronte ao Alavés e que retorna á convocatoria.
Javi Rueda, descarte onda Cervi. Segue fose Carlos Domínguez, por lesión.
— Bancada de Río (@gradaderio) November 26, 2025
Respecto ao anterior duelo europeo, ante o Dinamo, entran Radu, Williot e Ángel Arcos -primeira convocatoria europea-. Caen Marcos Glez., Carlos e Beltrán. https://t.co/hdm4tgockf
Tamén son novidades, tras recibir a alta das súas respectivas lesións, Williot Swedberg e Hugo Álvarez, mentres que o club anunciou esta mañá que Fran Beltrán entra no parte médico por un proceso gripal. Tampouco está dispoñible Carlos Domínguez, que segue recuperándose dunha escordadura sufrida fronte ao Barcelona.
En relación coa anterior lista europea, a de Zagreb, retorna Ionut Andrei Radu, que se perdeu o compromiso ante o Dinamo por sanción. Cae, en consecuencia, o porteiro canteirán do Fortuna Marcos González.