Ryan Collins declarouse culpable e podería cumprir unha condena de 18 meses de prisión tras chegar a un acordo coa fiscalía
16 mar 2016 . Actualizado á 20:06 h.As celebrities estadounidenses respiran aliviadas tras lle detención de Ryan Collins, un home de 36 anos e residente en Lancaster (Pensilvania), ao que se lle acusa hackear varias contas de famosas como Jennifer Lawrence, Kate Upton ou Avril Lavinge e filtrar as súas fotografías e vídeos persoais.
Collins declarouse culpable ante un tribunal de Los Ángeles de violar a lei de fraude e abuso informática por acceder entre novembro do 2012 e setembro do 2014 a máis de cen contas alleas, entre elas as de polo menos 18 personaxes públicos, nun caso que foi bautizado pola prensa como Celebgate.
O acusado cumprirá unha sentenza de 18 meses de prisión tras chegar a un acordo coa fiscalía, xa que os dous delitos que se lle imputan, un por hackeo informático e outro por acceder se autorización a un computador protexido para obter información, poderían suporlle unha condena de ata cinco anos de privación de liberdade.
O Departamento de Xustiza dos Estados Unidos explicou que Collins accedeu ás contas de iCloud e Gmail das súas vítimas enviándolles mensaxes de correo electrónico facéndose pasar por Google ou Apple nos que lles solicitaba certos datos persoais que lle facilitarían o acceso posterior ás súas contas. «Mediante este esquema de fraude, o acusado accedeu ás copias de seguridade completas de Apple iCloud que pertencían a moitas vítimas, incluíndo polo menos a 18 famosas. Moitas destas copias de seguridade contiñan fotografías de espidos e vídeos», pode lerse nun dos documentos que se presentou ante o tribunal.
En setembro do 2014, Jennifer Lawrence denunciou o roubo de fotografías e vídeos íntimos, e a través da súa conta de Twitter denunciou «unha flagrante violación da súa intimidade».
Jennifer Lawrence's rep: "This is a flagrant violation of privacy. The authorities will prosecute anyone who posts the stolen photos."
? Jennifer Lawrence (@JLdaily) 31 de agosto de 2014
Outra das famosas cuxas imaxes íntimas foron filtradas foi a actric Mary Elizabeth Winstead. «A aqueles que estades a mirar as fotos que me fixen co meu marido hai anos na privacidade do noso fogar, agardo que vos sintades ben», chouchiou.
To those of you looking at photos I took with my husband years ago in the privacy of our home, hope you feel great about yourselves.
? Mary E. Winstead (@M_E_Winstead) 31 de agosto de 2014
Pero non foron as únicas. Á lista de vítimas de Ryan Collins hai que engadirlle os nomes de Kate Upton, Victoria Justice, Ariana Grande, Teresa Palmer ou Kirsten Dunst, entre outras.