O venres 4 de xullo empeza a primeira operación saída do verán. Haberá campañas especiais de vixilancia en xullo e agosto, co foco posto «no exceso de velocidade e o consumo de alcohol e drogas ao volante», segundo o delegado do Goberno en Galicia, Pedro Blanco
30 jun 2025 . Actualizado á 16:55 h.Esta fin de semana haberá máis de 400.000 desprazamentos por estrada en Galicia, segundo as previsións de Tráfico, na que será a primeira grande operación saída do verán. O delegado do Goberno en Galicia, Pedro Blanco, indicou que o operativo para manter a seguridade nas estradas e reforzar a vixilancia contará con «700 axentes de Tráfico, 200 radares fixos, 275 cámaras, 291 estacións de toma de datos, mais de 300 paneles informativos e un helicóptero».
«Galicia é a comunidade con maior descenso de siniestralidade con fallecidos», detallou o delegado, que engadiu que «o obxetivo é consolidar esta tendencia» a pesar de que se detectou un «aumento da movilidade por carretera». Blanco fixo balance da situación respecto á do ano pasado, lembrando que hai habido unha melloría xa que baixou o número de persoas falecidas de 50 a 37. Paralelamente, a xefa provincial de Tráfico na Coruña, Victoria Gómez, alertou que «unha pequeña imprudencia pode levar a un accidente».
«Tres de cada dez falecidos en carreteras pertencen aos colectivos vulnerables, como peatóns e motociclistas», lembrou Blanco. Ademais, insistiu en que «o importante é chegar e a seguridade vial non pode tomarse vacacións». Os máis de 400.000 desprazamentos en Galicia representan un 8,5% dos máis de 100 millóns de movementos que agardan no conxunto de España.