Os alumnos galegos xa poden presentar a súa solicitude para os premios á superación persoal na ESO
GALICIA
![Imagen de archivo de la entrega de los premios extraordinarios de la ESO, curso 2016-2017.](https://img.lavdg.com/sc/hY_sfJLKGT7sF1e2WM947o-T1Z0=/480x/2023/08/16/00121692194165644923451/Foto/S11Y8051.jpg)
Os estudantes que superasen cuarto da ESO no pasado mes de xuño poden optar a estes premios dotados con 1.000 euros
16 ago 2023 . Actualizado á 16:43 h.O estudantado recentemente graduado na ESO en Galicia pode presentar a súa solicitude para os premios á superación persoal neste nivel educativo. A Consellería de Cultura, Educación, FP e Universidades quere premiar o esforzo e a superación persoal dos alumnos de mellor expediente académico nos estudos da educación secundaria obrigatoria.
O prazo para presentar as solicitudes está aberto ata o 15 de setembro. Con estes galardóns, dotados de 1.000 euros por cada estudante distinguido, a Xunta quere recoñecer anualmente a capacidade de superación de alumnos que acaban 4º. de ESO tras superar as súas dificultades de tipo persoal, educativas, da contorna familiar ou sociocultural.
O Goberno autonómico busca que este premio supoña «un exemplo para compañeiros en situacións similares». As solicitudes para poder participar nesta convocatoria deben presentarse, preferiblemente, por medios electrónicos a través do portal PremiosEdu.