O adestrador do Arousa, ferido leve nun aparatoso accidente á saída da autoestrada na Coruña

José Luis Lemos recupérase no seu domicilio dun aparatoso accidente cando onte pola tarde preparábase para saír da autoestrada AP-9 e entrar na Coruña, onde reside. O adestrador do Arousa, confirman desde o club, rozou a mediana do vial e o vehículo no que viaxaba envorcou.

Por fortuna, o técnico non sofre en principio máis que contusións e o gran susto que levou. De feito, informan fontes do club, tras as 48 horas de repouso que se lle recomendaron desde o centro médico ao que foi trasladado para a súa revisión, a intención de Lemos é a de dirixir mañá o último adestramento do Arousa antes de medirse este sábado ao Silva na penúltima xornada de Liga, precisamente na Coruña.

---

---

---