Vaca Films busca figurantes con «rostros naturais» para a rodaxe dunha serie de época en Monfero
FERROL
MONFERO
Precísanse, sobre todo, persoas maiores, con «características auténticas e incluso peculiaridades físicas»
11 dic 2025 . Actualizado á 05:00 h.A produtora galega Vaca Films busca figurantes de entre 30 e 90 anos para a rodaxe dunha nova serie de época en Monfero, así como noutras localizacións como Santiago, Celanova, Agolada, Sobrado dos Monxes ou Rivadavia. Están interesados, sobre todo, «en xente maior», con «rostros naturais, características auténticas e incluso peculiaridades físicas». A produtora ten previsto iniciar a rodaxe deste novo proxecto en xaneiro e os interesados en participar como figurantes deben inscribirse nun formulario a través do Instagram de jp_casting.